CARACAS, Venezuela – E tribunal Supremo di Husticia di Venezuela a ordena Asamblea Nacional abstene di continua e huicio politico contra e presidente Nicolas Maduro door di consider’e inconstitucional y a prohibie realisa actonan cu por altera orden publico, loke ta intensifica e enfrentamento entre e podernan publico.
E decision di e maximo tribunal a tuma luga oranan despues cu e secretario ehecutivo di e coalicion opositor, Jesus Torrealba, a anuncia cu e mayoria di e Congreso lo retoma e huicio contr Maduro tras e fin di e tregua cu nan a acorda riba peticion di Vaticano pa impulsa un proceso di dialogo.
Di e mesun manera, e sala a prohibi e convocatorio y realisacion di “actonan cu ta altera orden publico” y “instigacion contra auturoidad.”
Door di defende e accio di e Tribunal Supremo, Maduro a afirma cu e decision “ta pone e cosnan net na su luga,” y a bisa durante su programa di radio , “La hora de la salsa”, cu e sistema institucional ta funcionando na Venezuela.
E presidente di e Asamblea nacional, e diputado opositor Henry Ramos Allup, a menciona e impostancia di e sentencia y a publica riba su cuenta di Twitter cu e Sala Constitucional, cual el a considera “fraudulento”, no por duna instruccion na e Legislativo.
E diputado opositor Juan Miguel Matheus, a bisa Associated Press cu e mayoria opositor di e Asamblea Nacional lo sigui dilanti cu e huicio di e declaratoria di responsabilidad politico di Maduro, alegando cu e proceso “ta ahusta na e constitucion.” Tras e di dos encuentro cu Gobierno y oposicion a tene, Torrealba a declara cu e tregua a caba cu e argumento cu Gobierno no a cumpli cu e compromisonan di e dialogo.
Fuente: El Colombiano