CARACAS, Venezuela – Diabierna Corte Venezolano a duna ordo pa persigui seis ehecutivo di e refineria Mericano Citgo, penalmente. Nan ta wordo acusa di corupcion, desafiando e presion di autoridadnan Mericano pa laga e grupo aki den libertad, den cual tin 6 ciudadano Mericano.
E ehecutivonan a wordo aresta na november 2017, despues cu nan a wordo yama pa un reunion na e oficina di e compania estatal Venezolano PDVSA, cu ta doño di Citgo. Nan a wordo acusa di corupcion, y labamento di placa den un acuerdo, cual nunca a wordo cera, pa refinanciamento.
Un corte di Caracas a dicidi cu e seisnan aki lo keda cera durante e proceso penal, segun e portal di Corte Supermo di Venezuela.
Famianan di Jose Luis Zambrano, Alirio Zambrano, Jorge Toledo, Tomeu Vadell, Gustavo Cardenas y Jose Pereira a pidi autoridadnan Mericano pa interveni, alegando problemanan di salud.
Vice Presidente Mericano, Mike Pence y dos senador a haci un apelacion pa nan wordo laga den libertad.
Presidente Nicolas Maduro, na 2017 a cuminsa un represion pa corupcion pa a conduci na e detencion di un decena di ehecutivonan, incluyendo e ex presidente di Citgo y PDVA Nelson Martinez. Martinez a muri den prizon na december.