JOHANNESBURG, Surafrica- E Tribunal Superior Supremo di Apelacion di Surafrica a aumenta na 13 aña y 5 luna, pa e condena di e atleta Oscar Pistorius, cu tabata cumpli un condena di 6 aña di prizon pa a mata su pareha, e modelo Reeva Steenkamp, na 2013, segun AFP. Ministerio Publico Surafricano a califica e sentencia anterior di “indulgentemente escandaloso”.
E campeon paralimpico Surafricano na 2014 a wordo condena na cinco aña di prizon pa a asesina su pareha. Despues, na 2016, un tribunal di Pretoria a aumenta su condena na seis aña di prizon.
E atleta, di 29 aña a wordo laga den libertad na October 2015 despues di a cumpli un aña di sentencia.; Sin embargo, na December di e mesun aña e Tribunal Superior Supremo di Apelaciona a revoca e veredicto ora cu el a demostra cu Pistorius tabata tin e intencion di mata su pareha.
Pistorius ta e prome atleta cu pianan amputa cu a competi den Olimpiada. El a haci esaki den e Olimpiadanan di London na 2012. Ademas di e Weganan Olimpico, el a core tambe den e Paralimpiconan den e 100, 200, 400 meter y e relevo di 4×100 meter.
Fuente: https://actualidad.rt.com