CARACAS, Venezuela- E Tribunal Supremo di Justicia den exilio dialuna a realisa un huicio di prueba contra di e presidente Venezolano, Nicolas Maduro Moros pa lesa e veredicto den cual nan a declara cu “tin suficiente delito pa un huicio” pa delito di corupcion y labamento di placa, decretando su prizon preventivo.
“Conforme e articulonan di e constitucion di e Republica Bolivariana di Venezuela y e Ley contra Corrupcion, e president ta culpabel di tur e delitonan cu wordo haci durante su mandato, pa cual tin suficiente delito pa un huicio”, según e criterio di e Tribunal”, e abogado a bisa ora di lesa e documento.
“E TSJ legitimo aki ta procede cu e detencion di e presidente di Venezuela, y ta duna ordo poa Forsanan Arma y tur e forsanan di siguridad obedece e ley aki”, e abogado a bisa.
“E tribunal aki, na nomber di e republica y pa autoridad concedi door di ley ta sigui cu e solicitud di detencion di e ciudadano Nicolas Maduro Moroes y pa e cuerpo policial detene”.
El a anima e Asamblea Nacional pa autorisa e huicio contra di e prome mandatario.
Ademas, a duna ordo na Interpol pa inclui Nicolas Maduro na e lista di personanan di personanan busca, pa efectua e captura den cualkier parti di mundo.
E huicio den exilio aki a wordo pidi door di e fiscal general destitui pa e constituyente Cubando unda cu a pidi e captura internacional door di Interpol y pa freeze cuentanan bancario di e mandatario Venezolano.
Ortega Díaz, na momento cu el a presenta e prueba, el a afirma cu e ta wordo husga pa investigacionnan realisa pa Ministerio Publico bou di su mandato unda cu ta mustra su responsabilidad den corupcion y legitimacion di capital pa medio di e compania Odebrecht.
E Tribunal den exilio a cuminsa e proceso door di lesa tur e obranan cu e gobierno di Maduro a duna Odebrecht y cu no a wordo termina, por ehempel: e construccion di e metro di Guarenas, e brug general Rafael Urdaneta, miho conoci como e Brug over di e Lago di Maracaibo, entre otro.
Fuente: https://www.infobae.com