Presidente di Tribunal Supremo di Husticia di Venezuela, Maikel Moreno a anuncia cu e Mario tribunal di e pais a bao di acuerdo pa un investigación riba Juan Guaido y a bai di acuerdo pa e medidanan solicita awemainta pa e Fiscal, Tarek William Saab. Entre e mediana anuncia pa e fiscal ta para: Prohibición di salida di e pais, prohibicion pa deshaci di bienes entre otro bende propiedadnan y blokia su cuentanan personal. Segun William Saab, esaki lo permiti ministerio publico haya mas peso pa habri un investigacion. Guaido ta presidente Asamblea Nacional y el a proclama su mes presidente interino di Venezuela dia 23 di Januari ultimo. Di otro banda, Guaido a reacciona for di Asamblea Nacional bisando cu “mi no ta descarta un menaza di prison”. Gobierno Mericano tambe a reacciona riba e ultimo aki, bisando cu si esaki sosode lo bai tin “consecuencianan serio” pa Venezuela. Pues tension ta sigui crece y awo cu menaza di prison pa Juan Guaido, cosnan por rementa y bira un situacion di guera cu por ta hopi malo pa e pais y claro cu su consecuencianan pa nos pais.