CARACAS, Venezuela- Maikel Moreno, presidente di e Tribunal Supremo di Husticia a anuncia cu lo kita e inmunidad parlamentario di e presidente (E) di presidente (E) Juan Guaido y a pasa e orden pa Ministerio Publico pa sigui cu e proceso penal den su contra.
“Ta pidi e presidente di e Asamblea Nacional Constituyente pa sigui cu e proceso di kita e inmunidad parlamentario di Juan Guaido pa a viola e medidanan impone door di e tribunal”, Moreno a indica den un sesion di e organismo.
El a anuncia tambe un boet di 200 unidad tributario pa a viola e medida di prohibicion pa sali for di e pais valido desde 29 di januari. “Nos ta urgi pa e sentencia sea cumpli y pa continua cu e procedimento di investigacion pa a violacion”, Moreno a bisa.
Siman pasa, e presidente di e Algemene Rekenkamer, controla pa e regimen di Nicolas Maduro, Elvis Amoroso a anuncia e prohibicion pa ocupa un cargo publico di 15 aña pa Juan Guaido, denunciando iregularidadnan den e biahenan di e parlamentario.