BRASILIA, Brasil – E maximo tribunal electoral di Brasil a duna comienso diamars na un huicio riba financiacion ilegal di campaña cu por saca e presidente Michel Temer, menos di un aña despues cu a reemplasa e presidente destitui Dilma Rousseff.
E caso cu e Tribunal Superior Electoral (TSE) ta studiando awo, por anula e eleccionnan di 2014, gana pa Rousseff y su compañero di formula di e tempo ey, Temer, prolongando e instabilidad politico cu a profundisa un recesio historico den e mayor economia di Sur America.
Ta trata di e prome biaha cu TSE mester dicidi riba e mandato di un presidente den ehercisio y si e mayoria di e shete magistradonan cu corte ta integra, opta pa anula e formula, por pone un fin na e presidencia cortico di Temer y Congreso mester eligi un sucesor den un plazo di 30 dia.
E salida di e di dos presidente den menos di un aña lo aumenta e agitacion politico net ora cu e economia di Brasil ta cuminsa mustra señalnan di recuperacion tras e pio recesion di su historia, na momento cu e lo afecta e confiansa empresarial den un momento cu e pais ta purba di recupera su cualificacion crediticio di grado di inversion.
“E lo crea mas confusion,” e ex presidente Fernando Henrique Cardoso a adverti den un entrevista radial dialuna, bogando na corte pa no tuma un decision cu por spanta inversionistanan.
Ta spera cu e hues di TSC, encarga di studia e caso, Herman Benjamin, recomenda invalida e eleccionnan di 2014, den un informe di 1086 pagina, manda siman pasa.
No obstante, tribunal por dicidi di invalida e caso pasobra Rousseff ya no ta na cargo of ta declara nulo su victoria, pero libra Temer di responsabilidad den e financiacion ilegal. Esey lo permiti ta candidato pa un eleccion indirecto na congreso, unda su coalicion ta mayoritario.
E strategia di e abogadonan di Temer ta aplasa e proceso lo maximo posibel y apela cualkier dictamen adverso pa e caso no wordo dicidi te despues di e proximo eleccionnan presidencial di October di 2018, impidiendo su salida di e cargo.
Fuente: Reuters