Despues di basta luna di preparacion un grupo di seis hoben tri-atleta di Aruba a competi riba plata forma internacional den e CARIFTA Triathlon y Aquathlon Championship na Trinidad and Tobago. E hoben aki ta prospectonan den e deporte di triathlon y a duna bon bataya contra e mihornan atletanan den nan edad di e region Caribe. E delegacion di Aruba a consisti di e rumannan Aleeza y Rylan Semeleer, Christiaan y Rebecca Jansen como tambe Justin Morales y Vera-Elise Barkmeyer, Hunto cu nan a biaha varios mayor cu a duna nan e sosten nesecario.
Mester bisa cu riba e prome dia esta e diasabra nos atletanan a competi den e disciplina di triathlon unda nan mester a landa, despues core bicicleta y por ultimo core un distancia na pia. Pa su majan diadomingo nos atletanan a competi den e disciplina di aquathlon pero pa motibo cu e lama tabata demasiado bruto di e pasada di e tormenta Kirk e organisadornan a dicidi di scrap e parti di landamento mientras e coremento na pia si a tuma lugar, Lotto, e loteria di Aruba pa medio di Stichting Sportsubsidie Aruba a yuda subsidia e biahe di ee delegacion di traithlon pa e Carifta Triathlon & Aquathlon Championship 2018 na Trinidad and Tobago.
Lotto, e loteria di Aruba tin diferente wega; Catochi, Big 4, 1-OFF, Zodiac, Wega di Number Korsou di Lotto, Lotto di Dia, Lotto 5, Mini Mega cu su Mega Plus y e weganan di Raspa y Gana. Cumprando Lotto bo ta contribui na deporte riba nos isla. E meta ta pa organisa loteria, cambia bida di su hungadonan y na mes momento inverti den deporte local pa medio di donacionnan na e comision di subsidio.