SANTO DOMINGO, Republica Dominicana- E organo di e sistema di husticia a bisa cu e acusadonan lo wordo someti na husticia pa supueto violacion di e Ley No. 155-17 riba Labamento di Actvio y Financiamento di Terorismo.
Tres ciudadano Venezolano a wordo deteni diaranson na e Aeropuerto Internacional La Romana, Republica Dominicana, despues di cu autoridadnan a haya mas di un miyon dollar den efectivo cu supuestamente lo mester a wordo transporta pa Venezuela.
Segun e periodista Fernando Tineo, autoridadnan Dominicano a confirma cu e avioneta, di matricula Venezolano, YV2887, tabata tin como destino final e ciudad di Barcelona, estado Anzoategui. A haya 1.350.00 dollar den placa cash y 28 mil dollar mas entre e ekipahe di e tripulantenan.
E detenidonan ta e piloot Claudio Di Genova Fistarol, y e pasaheronan Estela Gómez de Rodríguez y Jonatan Mata Figueroa.
E organo di e sistema di husticia a bsia cu e acusadonan lo wordo entrega na husticia pa e supuesto violacion di e Ley No. 155-17 tocante Labamento di Placa y Financiamento di Terorismo.
E Direccion Nacional Control di Droga (DNCD) di Republica Dominicana a informa cu e investigacion profundo ta tumando luga pa establece si ta trata di un red di crimen organisa dedica na narcotrafico y na labamento di activonan prodcuto di e actividad ilegal aki.