Durante prome siman di luna di mei, tres diferente training encuanto con pa anda cu Hechtingsproblematiek lo wordo duna na Aruba. Lo tin training pa maestro y profesionalnan cu ta traha cu mucha (hulpverleners), un pa mayornan y un pa esnan di centronan di cuido of cu ta traha boluntariamente cu mucha na Aruba.
E trainingnan aki lo wordo duna pa Esther Groenewegen. Sra. Groenewegen pa medio di su experiencia personal a capacita su mes (ervaringsdeskundige) door di tin un yiu biologico cu tin Reactieve Hechtingsstoornis, na Ingles conoci como Reactive Attachment Disorder. Muchanan cu tin di haber cu Hechtingsproblematiek door di factornan di stress den barica y/of den e prome añanan di bida no a afera nan mes (hecht) di un forma saludabel nan nan mayor (biologico of no-biologico), a consecuencia di esaki por sufri efectonan grandi riba formacion di nan celebro y riba nan desaroyo.
Expertonan ta accentua cu e importancia di ta afera, como fundeshi di cada hende su bida, ta bira cada dia mas claro. Investigacionnan a mustra cu tin un claramente un relacion entre no ta bon afera y criminalidad bou hobennan, agresion y violencia. Di otro banda tambe ta conoci cu tin un relacion entre muchanan cu tin un bon “hechting” y sentimentonan di positivismo y flexibilidad. Di investigacionnan Mericano y Hulandes ta sali na cla cu entre 30 pa 40% di tur mucha ta desaroya un cierto problema cu “hechting.” Na Aruba, segun cifranan di Centraal Bureau Statistiek pa 2015, tabatin 28.177 mucha entre 0-19 aña. Tin pues tur indicacion pa asumi cu problemanan di “hechting” lo existi tambe grandemente cerca nos muchanan. Por lo tanto den futuro cercano, hopi mucha cu tin di haber cu hechtingsproblematiek lo por beneficia di e trainingnan aki pa maestro, hulpverleners, mayor, lider di centronan di cuido di mucha y voluntarionan cu ta traha cu muchanan.
Abo tin un yiu biologico, di criansa of adopta of kisas tin un mucha den bo cuido of den bo klas di cual e “hechting” na su mayornan durante e prome añanan di su bida tabata dificil door di traumanan cu el a pasa aden? Sea na cas of na scol of na ambos, e ta confronta problema? E mucha aki ta hopi dificil den su actitud, comportacion y bo no tin idea pa gui’e optimalmente? E por ta trata aki di Hechtingsproblematiek. Y e trainingnan di Sra. Groenewegen por dunabo e tools valioso pa deal cu e retonan aki.
Sra. Groenewegen, ta autor di e e-book “Monster in de klas,” cual por download via su website www.alshechtennietvanzelfgaat.nl. Na Hulanda e ta dunando training riba e area di Hechtingsproblematiek desde algun tempo caba. Sra. Groenewegen ta bou guia di entre otro e mentornan Mericano manera Nancy Thomas, Teresa Guerard y Deborah Hage. E ta continuamente sigui desaroyonan di expertonan manera Bessel van der Kolk, Bruce Perry, Gabor Mate y Gordon Neufeld. Su meta ta pa haci e trastorno aki mesun conoci y manehabel cu por ehempel ADHD y Autismo.
Riba diaranson 6 di Mei di 3:00 p.m. pa 6:00 p.m. Sra. Groenewegen lo duna training pa maestronan y hulpverleners. Esaki ta tuma luga na ATIA building. Idioma ta Hulandes y entrada ta AFL 35,-. Riba diasabra 6 di Mei tin training na MFA Paradera. Pa mayornan e training ta di 9:00 a.m. pa 12:00 p.m. ,e idioma lo ta Hulandes y Papiamento y entrada ta AFL 15,-. Pa esnan cu a traha na centronan di cuido of cu ta traha den gruponan boluntario cu muchanan e training ta tambe na MFA Paradera, di 1:00 p.m. pa 4:00 p.m. Idioma di e training tambe lo ta Hulandes y Papiamento y entrada ta AFL 15,-
Tene cuenta cu e capacidad pa tur training ta limita y cu mester registra digitalmente y paga personalmente di adelanta, pa bo lugar ta sigura. Pa mas informacion tocante registracion y pago pa e trainingnan aki por like e Facebook page Hechtingsproblematiek Aruba. Tambe por manda un e-mail pa mas informacion na [email protected]. E trainingnan aki a wordo haci posibel cu cooperacion di Vibes4You(th), Tienda di Educacion y Fundacion pa Nos Muchanan.Poster Training Hechtingsproblematiek_pdf version