MERCA – Servicio Nacional di Horcan di Merca, a emiti aviso riba horcan Gaston y dos depresion tropical.
Tres diferente tormenta ta wordo monitorea pa e Servicio Nacional di Horcan di Merca y den lama Caribe y un di nan por afecta diaranson na Florida.
E servicio a emiti aviso riba e horcan Gaston, localisa na varios cientos di kilometer oost di Bermuda, riba e Depresion Tropical Ocho, localisa na poco cientos di kilometer zuidoost di Cabo Hatteras, North Carolina y riba e depresion nuebe, cu ta e menasa di Florida.
E ultimo aki a forma den e estrechonan di Florida y ta move pa e Golfo di Mexico unda cu pronto e lo por converti den tormenta tropical.
Ta spera cu e fenomeno lo acerca e parti zuid di e peninsula di Florida y descarga entre 7 y 13 centimeter di awasero loke por causa inundacion.
Pa awo, e depresion tin bientonan sosteni di 55 kph y ta centra na 245 kilometer west-zuidoost di Key Westy ta move na 15kp.
E Depresion Tropical Ocho, a forma west di Bermuda y ta spera cu e ta encamina den direccion di North Carolina.
Gaston no lo afecta Merca ya cu e ta dirigi pa nort riba oceano Atlantico.
Fuente: Voice of America
- Latest
