Tur loke FTA a yega di trece dilanti, durante e gobernacion anterior y esun actual, Aruba ta un isla chikito y e informacionnan ta pasa, y tur hende sa mas o menos den ki direccion, kico mester wordo haci. Sr. Hubert Dirksz, di sindicato FTA ta splica.
Pero dicon tin tardansa cu cosnan no ta cana manera mester ta. Cambionan ta tuma luga, pero ainda tin preocupacionnan, y si inverti den siguridad, esey ta pensamento di FTA, esey lo yuda evita cu mañan lo mester bay inverti mas pa prome bo producto turistico. Si e producto turistico wordo afecta pa insiguridad, lo bay tin cu hinca hopi mas placa pa haya pa e turista bin Aruba. Mientras cu si inverti den siguridad, esaki lo bay yuda tur otro aspectonan den e presupuesto di pais Aruba.
PROBLEMA NA COSTA
E parti di Grensbewaking, situacion na aeropuerto, e situacion na waf. Tur esakinan mester haya e atencion debido. Tur e asunto di gasto di pago di overtime, pero mester ta cla cu otro. Si sa unda e problema ta, si tin caminda unda cu mester haci coreccionnan, haci esaki. Ta hunto ta bay padilanti, pero si neglisha pa motibo di un of otro problema, p.e. loke tabata e discusion riba e trabaonan di Douane na airport, den oranan di anochi. Si ta laga situacionnan asina afecta nos siguridad, e ora nos ta leu for di cas, segun Sr. Hubert Dirksz.
FTA ta di opinion, cu mester wak varios aspecto. Si tin un problema cu tin di haci cu e otro minister concerni, e mester ta na mesa. FTA no por bay reuni cu esunnan di husticia sin atende cu esunnan cu ta den responsabilidad di Douane. Lo mester bay atende cu esaki conhuntamente.
Si tin un cantidad di p.e. hendenan cu problemanan ariba caya cu ta causa problema pa polis y no tin caminda di pone nan, cierto momento tin cu envolvi, e minister cu ta atende cu salud, cu ta trece situacionnan dificil pa e ambtenaar, e polis cu tin cu haci su trabao. E ta embarga mas, pero ban tuma decisionnan pa wak kico por wordo haci y si inverti den siguridad, a lo largo, esey lo cumini gobierno mas. Te asina leu, declaracionnan di Sr. Hubert Dirksz, di sindicato FTA.
