Ministerio di Desaroyo Social, Trabao y Bienestar a cuminsa e siman aki cu e di dos fase di e proyecto di conexion di awa den colaboracion cu Aqualectra, esaki segun e portal di noticia Curacao.nu. E proyecto aki ta enfoca riba famia cu recurso economico limita. E obhetivo ta pa brinda tur na Corsou acceso n’e necesidad basico di awa.
Den e prome fase di e proyecto, 85 hogar a wordo conecta cu exito riba e red di awa y e ministerio a cubri parti di e recibo di awa. E Ministerio a asigna 1,65 miyon florin pa henter e proyecto. Despues di un analisis detaya den e di dos fase, a resulta cu hopi famia no por a encarga cu e costonan di un conexion di awa.
E proyecto, lansa na november di aña pasa, a ricibi un respons abrumador di comunidad. Mas di 300 ciudadano a registra pa opta na un conexion di awa.
Den e di dos fase, Aqualectra lo conecta e 300 hogarnan restante cu ainda no ta conta cu un conexion di awa. Esaki lo wordo haci prome cu e proximo dianan di fiesta, p’e famianan aki por pasa un agradabel cambio di aña.
Fuera di garantisa e conexion di awa, tur e famianan participante den e proyecto tambe lo ricibi curso gratis cu ta enfoca riba fomenta e uzo responsabel di awa. E proceso educativo aki lo tuma luga den estrecho colaboracion cu Aqualectra.