Diasabra atardi laat habitante di Tanki Flip persona di edad a drenta panico yamando polis ora cu tres pit bull a drenta den su cura di cas y e cachonan no ta di dje. Despues di rato e pit bullnan a logra drenta den e cas y cuminsa ataca un cacho di e cas.
E señora na grito tabata pidi ayudo, polis a yega basta lihe y pa evita lo pio si e cachonan mester ataca e señora debi cu nan tabata ataca e cacho den e cas polis mester a tire. E cas a keda na sanger y e doño di cas tur na spanto di e caso. Despues di rato e doño di pit bullnan a yega y polis a papia cune debidamente di e situacion. Departamento forensico tambe a presenta na e sitio pa saca evidencia di e caso.