PORT AU PRINCE, Haiti- Disturbionan ta sigui na Port au Prince, capital di Haiti contra e decision di autoridadnan Haitiano di aumenta e prijs di productonan petrolero. E disturbionan aki ya caba a cobra bida di tres persona, segun AFP.
E manifestantenan a anuncia un welga general di dos dia cuminsando dialuna pa exigi e salida di e presidente Jovenel Moïse. Algun di nan, arma cu cuchiu, a ataca y comete sakeonan den varios establecimento, mientras cu otronan a causa varios daño den varios hotel. Pa core cu e manifestantenan polis a haci uzo di gasnan lacrimogeno.
E disturbionan aki na Port au Prince y otro ciudadnan di Haiti, a cuminsa diabierna ultimo. Motibo di e protestanan aki a cuminsa diabierno, ora cu gobierno di Haita a anuncia e aumento di prijs di gasoline cu 38%, diesel (47%) y kerosin (51%). A pesar di cu autoridadnan a anuncia cu e medida a wordo cancela, e protestanan ta sigui.