Diadomingo pasa di 11’or di anochi riba e caminda principal di Pos Chikito poco prome cu e brug nobo na Spaans Lagoen a sucede un accidente di auto basta fuerte cu persona herida. Patruya policial y ambulance a presenta na e sitio, tabatin tres persona herida. Den e honda civic tabatin un dama y un cabayero herida.
Y algun meter leu ta un nissan sentra cu tambe e chauffeur ta herida. Segun e chauffeur di e sentra bayendo ariba, e honda civic a bin den su banda y dal basta duro y bay para basta leu di e accidente. Polis a constata cu e chauffeur di e honda civic ta bou influencia di alcohol y a keda deteni. Segun testigonan e chauffeur di e honda a pasa varios auto rotonde di Pos Chikito bin abou y ta accidenta despues.