Ta mustra cu den oranan di marduga pa mainta trempan na veld di Little League na Dakota antisocial a horta bastante palo cu a keda dona pa un empresa na Aruba. E personanan sa cu riba nan biga tin cierto stempel cu nan por reconoce esakinan y a haci denuncia na autoridad.
Diabierna merdia polis a haya un tip di trucknan cu carga di biga yegando na Cadushi Largo. Polis a presenta di biaha topa cu un truck bieu cora sin plachi number corda pa tin seguro y tres homber bahando biga hincando den un container. Otro patruya cu a tuma e denuncia a yega na e sitio pa mira e situacion y a yama esun cu a entrega e denuncia haciendo e algun pregunta y a resulta cu esaki lo ta procedente di ladronicia y a detene e tres homber sospechoso di ladronicia di biganan. A tuma e truck den beslag a resulta cu tin un otro truck algun meter leu di e sitio y polis a notifica recherche tambe di e caso.