BRUSSELS, Belgica- Dos agente di poliss y un pasahero den un auto den e ciudad di Luik, Belgica. Autoridadnan ta investigando e hecho como un “delito terorista”.
E incidente a tuma luga pa mas o menos 10 or y 30 di mainta, ora cu e homber “arma cu’n arma blanco”, a agredi dos agente policial di patras. El a hinca e dos polisnan aki varios biaha, segun Philippe Duilieu, den un conferencia di prensa na Luik, segun informacionnan di AFP.
E atacante a ‘a pasa man cu e arma di servicio di e polisnan’ y a uza e esaki contra di e dos polisnan. Despues, “el a tira ariba un hoben di 22 aña, cu tabata sinta den un auto, na e banda di pasahero” di un vehiculo para. E hoben a fayece na e sitio.
Despues e atacante a drenta den un instituto cercano “unda el a tuma un di e trahadonan como rehen”. E polisnan a “neutralisa” e autor, ora cu esaki a sali di e centro educativo, tirando ariba polisnan. Dos polis a resulta herida.
E suheto a grita “Allah ta grandi” prome cu el a wordo tira mata pa forsanan di siguridad, segun fuentenan policial, cita pa e corant local Libre Belgique.
Fuente: AFP