Internacional: 3 homber a muri den 24 ora door di herida nan ricibi durante e festival di careda di toro na e parti oriental na Spaña.
Tur 3 morto a pasa den e region di Valencia su tradicion di toro coriendo, ora e toro nan ta core den e pueblo nan mayoria bes cu coredo nan dilanti di nan.
Grupo nan di derecho di bestia pa añas ta kehando di e peliger cu tini pa e toronan y hendenan cu ta participa den e festival segun nan den e ultimo 8 aña cu e festival a wordo organisa mas o menos 20 persona a perde nan bida door di herida nan ricibi door di cachetaso ricibi for di e toronan.
Un di e incidente nan tawata cu un cabayero di 56 aña kende tabata para tras di baricada a wordo lansa door di un toro den aire cual a conumi na su persona ricibiendo sla grandi na su cabes di cual el a fayece diamars na hospital 9 dia despues di e festival un otro cabayero di 50 aña a tambe a fayece despues cu su long a wordo perfora door di un toro na Melania, norte di Valencia.
Caso nan erg asina a bira algo regular pa e festival aki den e ultimo aña nan. Spaña su festival mas conosi, careda di toro di San Fermin na Pamplona cual a wordo organisa despues di 3 aña a experencia 35 heridio e aña aki.
Partido Spaño pa bestia (PACMA) na diferente ocasion a bin ta pidi pa pone un paro na tipo di festival asina y a bin ta critica organisadornan di e 3 festivalnan na Valencia pa ta pone bida di e ciudadanonan na peliger y pa comete abuso contra e bestianan pero di otro banda ta critica partido PACMA pa ta scoge pa bay contra e festival cual ta trece un boost na e economia di Valencia na balor di 300 miyon euro y mas cu 3000 trabou pa ciudadanonan door di e mas cu 10.000 evento cu ta wordo teni rond di Valencia en conexion cu e festival di careda di toro.