NEW ORLEANS, Merca- Tres persona a resulta fatalmente herida y varios otro a keda herida den tres diferente tiroteo na New Orleans diamars anochi. Esaki a sosode durante e parada di Mardi Gras, segun polis di New Orleans a informa
E prome tiroteo a tuma luga den e French Quarter y tabata “na algun meter leu for di unda e multitud tabata mirando e parada di Mardi Grass pas, segun ABC News New Orleans.
Un homber a wordo herida cu’n tiro den cabes y ta den estado critico, y otro a wordo tira den pia pero ta den condicion stabiel. Ambos a wordo transporta pa un hospital local.
Segun informenan policial, un grupo di 10 of 12 hoben adulto tabata envolvi den un pelea, prome cu e tironan a cuminsa cay. Ainda polisnan ta buscando e sospechosonan y a emiti un imagen di un di e sospechosonan tuma for di un camara di vigilancia.
Un hora despues, un di dos tiroteo a tuma luga riba e ruta di e parada di Mardi Grass, lagando un persona morto.
NOPD (Departamento di Polis di New Orleans) no tabata por a duna mucho detaye di e tiroteo aki, bisando cu e ta wordo investiga como un homicidio.
Un di tres tiroteo di anochi a resulta den dos persona morto y tres a keda herida. Esaki a sosode pafo di un station di gasolin, algun miya leu for di French Quarter.
“Un di e victimanan a fayece na e sitio. E di dos a fayece na hospital. No tin mas informacion di e condicion di e tres heridonan”, segun ABC New Orleans.
Identidad di e victimanan no a wordo revela.
Fuente: http://abcnews.go.com/