Commandant di Trupa Sicni Meulens cu orguyo ta bishita e 3 Militarnan di Corsou cu n’e momentonan aki ta participa n’e entrenamento Practico pa Marinier (Praktische Opleiding der mariniers-POTOM) na Hulanda. E entrenamento pisa y intensivo aki, cu ta dura 9 luna, ta un paso importante den desaroyo profesional di e Militarnan den Caribe Hulandes.
Te cu awo e officiernan aspirant Carmeli, Martina y Koster a ehecuta fase1 di e POTOM cu exito y fin di februari tambe lo hacie cu fase 2. Esaki ta hacie posibel pa nan opera optimalmente den Region Caribe Hulandes. En bista cu nan prestacion excelente, nan a entrega un peticion pa por sigui tambe fase 3 y 4, den cua nan ta siña lidera grupo mas grandi di Militar na un nivel superior.
Luitenant Meulens, e mes e ultimo Militar di Corsou cu a completa e entrenamento pisa aki na Hulanda na aña 2020, ta demostra gran orguyo p’e prestacion di e participantenan. E ta mira gran potencial p’e Officiernan aspirant na Corsou.
E entrenamento ta finalisa durante ultimo siman di juni cu un bivak final durante cua tur aspecto cu nan a train ta bin dilanti. E avance di e Militarnan di Corsou y Aruba ta un di e prioridadnan pa e añanan venidero di Defensa den Region Caribe Hulandes. Cu esaki un carera largo y profesional p’e Militarnan di Corsou y Aruba ta keda salvaguardia den region, loke ta aporta na pas y siguridad den Region Caribe Hulandes.