Tur cos ta keto unda for di diadomingo marduga tres homber ilegal Venezolano a huy for di e cel na Guarda nos Costa. Tabata pasa di 6 or mainta ora a tuma e ultimo control e persona a tuma nota cu e porta di e cel ta destrui y a bati alarma. A constata cu ilegalnan a sali for di e luga sin ningun personal sa y a kibra e heki di parti patras subi tereno di Airport y comete destruccion na e luga di contratista riba e tereno.
Ningun hende sa di nan paradero, tres homber y un di nan ta peligroso pa persona arma. Autoridad tabata na altura di esaki polis a presenta pa tuma dato. Segun nos informe cu Airport no ta contento cu esaki con e sospechosonan aki por a subi e tereno di Airport un tereno priva y di nivel di seguridad halto.
Tanto cu ex minister a haci show ora a inaugura e edificio cu camara etc, pero e personalnan di GNC semper a keda laga atras, un departamento sin material pa e personal, pa actua ora di gara personanan ilegal riba nos isla, kico e hefe a haci pa subi e nivel di e departamento ta desconoci.
Con a para cu e camara control room ??? ta te mainta e hefe a bay wak e camara wak kico a pasa. Guarda nos costa tin cu cay bek bou di Cuerpo Policial, y ta di spera cu Minister di Husticia por haci algo lo mas pronto posibel pa cu e departamento aki maske cu tin cambionan grandi na caminda segun nos fuentenan cerca.