Diaranson den oranan di merdia recherche di noord ta investigando un caso di ladronicia cu a pasa na un scol na Kudawecha y a canta bingo ora a haya sa unda e pertenencianan aki ta scondi patras di un cas na Moko cu no ta dje leu di e scol.
Bou ordo di fiscal a drenta e cas y asina detene tres hoben momento cu a topa cu basta articulo di e scol horta. E.o a haya stoel, pakinan di pen, flatscreen, caha di buscuchi, cushinchi y varios otro articulonan cu ta ser usa pa scol. Ta di lamenta e situacion aki con hobennan ta bay plunder un scol y ta horta pertenencia cu ta trece e scol den gasto y afecta e hobennan. Departamento forensico tambe tabata presente pa saca evidencia y recherchenan a tuma tur cos den beslag.