Diadomingo mainta trempan riba e caminda na Bubali net pariba di Bubali Comercial center ta sosode un desgracia cu auto di Polis envolvi di biaha a mobilisa unidadnan policial, ambulance y brandweer.
Patruyanan ta yega di biaha na e sitio y cera e caminda, y ta bin topa cu nan colega envolvi den un accidente fuerte y e auto di polis hinca den mondi y un hyundai i10 completamente destrui.
E auto di polis bayendo direccion pariba direccion pa warda pa drenta paden, ta haya nan mes cu diripiente e chauffeur di e auto blanco hyundai ta yega subi dilanti e auto di polis, y aki e polis na stuur a purba desvia hala su man robes, y por poco pero bon maniobra di e agente pa pasa pa algun centimeter pega cu un pal’i luz y asina pega den e mondi. E accidente aki lo por tabata peor si e auto di polis a plama frontal den e pal’i luz.
Dos unidad di ambulance a presenta pa asina atende cu e chauffeur di e hyundai i10 y e dos agente policialnan cu a haya sla debi na e impacto fuerte.
Brandweer tambe a presenta pa duna un man. Polis di trafico y specialista a presenta pa asina atende cu e accidente aki turma tur dato.
Na final takelwagen a bay cu ambos auto pa Balashi.