Diahuebs pasa di 3’or marduga e seccion di crimen organisa hunto cu team di aresto a subi caya pa haci varios entrada hudicial relaciona cu caso grandi bou investigacion. Un total di tres cas a keda bishita. Na un cas na Cumana a detene 3 sospechoso masculino di nacionalidad Venezolano y 21 ilegal. A haya pistool, municion y celularnan.
Na Montaña a detene un cabayero di nacionalidad Venezolano y a confisca celular y un auto.
Na Caya Seneblar a confisca celularnan. E personanan deteni ta personanan sumamente peligroso y pa e motibo ey a subi team di aresto.
Pa Cuerpo Policial por resolve mas caso cooperacion di pueblo di Aruba ta hopi importante pesey nos ta pidi si bo tin cualkier informacion jama nos tiplijn: 11141.