VLAANDEREN, Belgica – Tres dokter di e provincia Belga di Oost- Vlaanderen ta wordo investiga bou di sospecho di a “venena” Tine Nys, un pashent di 38 aña cu sindroma di Asperge, na april 2010, segun AP a informa. Dokternan a wordo acusa di a varios “iregularidadnan” ora di practica eutanasia ariba e muhe.
Ta trata di e prome investigacion criminal di un caso relaciona cu eutanasia desde su legalisacion na Belgica na 2002.
Tur cos a cuminsa ora cu e famia di Nys a presenta un denuncia penal na 2017, acusando e dokternan di venenamento. Segun famianan di e supuesto victima, e proceso a wordo hiba a caba cu “mas di un violacion”, segun AP.
Un di e rumannan di Tine, Sophie, a conta na medionan di comunicacion cu un dokter a pidi su tata pa tene e brasa di e pashent mientras cu e ta administra e inyeccion fatal, y cu despues a pidi e famianan pa scucha e stetoscop pa verifica si e curason di Tine a stop di bati.
Ademas, segun calculonan di algun experto, e medio ta sigui bisa, un di e acusadonan, e psikiatra di Nys, Lieve Thienpont, a participa den un tercio di tur e casonan di eutanasia pa motibonan psikiatrico na Belgica, cu cual ta plantia duda riba si su decisionnan di aprobacion di solicitud di pashentnan cu malesanan mental tabata bon funda.
Belgica ta un di e paisnan cu ta autorisa pa aplica eutanasia riba pashentnan cu malesanan mental cu ta enfrenta sufrimentonan “constante y insoportabel”. Desde e entrada na vigor di e ley na 2002, al menos 10 mil residente local a acudi na e forma di morto asisti.
Di mes manera, venenamento ta wordo considera un delito grave cu ta wordo castiga cu cadena perpetua.