Tres detencion caba pa asesinato na Pos Chiquito

Enconexion cu e caso di asesinato cu a tuma lugar dia 15 di januari 2021 Recherche di San Nicolas (DAR3) a detene 2 hende homber mas respectivamente di inicialnan Y.L.F. na un cas den Prinsenstraat y J.J.W. na un cas den Caya Sint Lucia.

Mester bisa cu e personanan deteni ta wordo considera sumamente peligroso y ta p’esey a haci uzo di e team di aresto.

E persona deteni dia 11 di april ultimo pa e caso aki tabata WV (Willy), kende den pasado a hay’e envolvi caba cu polis.

Di e dosnan deteni awe, e mucha homber Joshua Wouters, ta ruman homber di e Brandon, kende mas cu un aña pasa a haya un tiro den village pa cual te aworaki e ta den un rolstoel sin por cana.

Pa Cuerpo Policial por resolve mas caso cooperacion y informacion di pueblo di Aruba ta hopi importante, pesey nos ta pidi si bo tin cualkier informacion yama nos tiplijn: 11141. Nos ta garantisa cu bo ta keda anonimo.

Comments

comments