NEW YORK CITY, New York – E cadena di television ABC a denuncia diahuebs e hackeo di tres di su cuentanan riba Twitter, cual a sali mensahenan obsceno na su miyones di siguido. E tweetnan ya a wordo kita y e empresa a informa cu “nan a resolve rapidamente e problema.”
E cuentanan gehack tabata e principal, ABC NewsOne, cu casi 10 miyon di siguido y dos di su programana periodistico matutino “Good Morning America”, ABC News ta un filial di The Walt Disney Co. cu sede na Burbank, California.
Twitter Inc. cu sede na San Francisco, a bisa cu nan no ta haci declaracionnan riba cuentanan individual pa rasonnan di privacidad y siguridad. E atake riba e cuentanan cu gran cantidad di siguido ta bastante comun. Na 2015, e cuentanan di Twitter di newsweek, The New York Post y e agencia UPI, a wordo gehack, mescos cu e YouTube di Mando Centrla di Ehercito di Merca. Mescos a sosode simannan atras cu e Universidad di Duke, BBC North America, Forbes y Amesty International.
Un forma pa minimalisa e riesgo di intromision ta pa instala un sistema di autenticacion di dos of mas factor den cual e usuario, ademas di e paswoord habitual, tin cu introduci un codigo cu ta wordo manda via text pa un celular.
Fuente: Associated Press