CALIFORNIA, Merca- Un serie di candelanan forestal cu ta moviendo rapido diabierna, destruyendo miles di structura a su paso y forsando miles di residentenan na evacua a traves di e cayanan na candela.
Impulsa pa bientonan fuerte y poco humedad, e candela a plama rapidamente diahuebs y durante dia di diabierna. E menasa ta sigui vigente cu mas di 20 miyon persona riba alerta cora.
CANDELA CAMP
Tanah Clunies-Ross a lanta den scuridad cu loke tabata zona manera pida carbon tabata cay den su cas den e zona noord di California. Den poco minuut, su famia y miles di otro personanan tabata buscando manera di scapa di e candela Camp.
“E holo di huma y ripara cu e huma tabata hopi mas cerca di loke hopi di nos tabata pensa y pa despues wak e candelanan casi te na mi rudia.. mi ta perde cabes”, el a bisa.
Su famia tabata entre e 40 mil habitantenan cu a haya nan obliga di evacua e condado Butte na California, despues di cu’n candela a cuminsa den oranan trempan di diahuebs, “creciendo fuera di control” cu’n extension di mas o menos 80 veld di futbol pa minuut. Te cu awo e candela a kima 20 mil hectar, heridando bombero y residentenan, y forsando hospital- y scolnan pa evacua rapidamente.
E destruccion total door di e candela te ainda no ta conoci, pero autoridadnan ta kere cu e mas di mil structura a keda destrui, mayoria di nan na Paradise, un ciudad di 26 mil habitante na 120 km noord di Sacramento, segun un vocero di Cal Fire Department di California.
Mas di 2200 bombero ta luchando pa paga e vlamnan mientras cu e candela mes ta sigui di ta incontrolabel, segun Cal Fire.