Diabierna anochi diferente unidad di “task force” consistiendo di KPA y DWKH a subi caya pa intensiva e control nesesario relaciona cu maneho di e brote di covid-19 na Aruba.
Banda di esaki a constata cu ainda tin hopi hende iresponsabel pa cu nan propio salud y pa cu salud di nan famia . Tambe a cera establecimento y duna multa na algun.
Lugarnan cu a wordo cera y a haya multa ta:
Chill Cafe a haya multa pa hende para na bar.
Lekker Bar multa pa ta habri despues 23.00
Cafe 080 multa pa ta habri despues 23.00
Controlnan di “task force” lo sigui tuma lugar intensivamente durante siman, weekend, di dia y anochi. Es cu no ta cumpli pa yuda Aruba reduci e cantidad di casonan di covid-19 ta core e risico di haya un multa of wordo cera.