Den ora di diadomingo atardi, tabatin un candela basta grandi na Sabana Basobra, cu a kima un cas completamente. Ora e prome truck di bombero y polis a yega, nan por a nota fo’i leu e huma preto cu tabata bayendo halto.
Tabatin tres mucha den e caso, pero afortunadamente, por a saca nan na tempo cu nada pio por a pasa.
Tur habitante di e bario a duna nan man pa yuda contene e candela aki. Mesora a keda evidente cu un di e bisiñanan tambe a wordo afecta, ya cu su cas tambe a ricibi daño di e candela aki.
E candela no solamente a causa destruccion n’e cas en cuestion, pero tambe tres auto a keda completamente destrui. A traves di e esfuerso di diferente unidad di bombero y polis, no a raporta ningun victima, te asina leu.
Pero, e famia na Sabana Basobra a perde nan hogar. Awo un investigacion lo determina por a causa e tragedia aki, ya cu e candela a cuminsa patras di e cas y momento cu tur hende tabata presente. Bomberonan logra di saca tanki di gas cu tabatin den e cas.