Diamars atardi na e crusada pazuid di price smart riba caminda di Sabana Berde pa Camacuri a sosode un accidente cu impacto fuerte unda tres auto tabata envolvi. Polisnan a presenta di biaha na e sitio y a constata cu chauffeur di un bmw suv no a duna preferencia y a subi e caminda dal den un hyundai accent y consecuencia e chauffeur femenino a perde control dal den un hyundai biniendo for di pabou.
Daño material tabata considerable, cu a laga dos persona herida den e accent. Dos unidad di ambulance a presenta unda paramediconan a brinda asistencia na e victimanan. Polis di trafico a tuma dato di e accidente.
Na final takelwagen di seguro a kita e autonan kibra for di riba caminda y asina caminda a keda habri bek.