Recientemente tres atleta di Aruba den e deporte di boxeo a asisti campo di entrenamento pa asina gana experiencia y tambe prepara nan mes pa e eventonan di boxeo cu lo tuma luga den e lunanan benidero.
Riba invitacion na comienso di aña door di e federacion Brasilero di boxeo, Aruba a haya e oportunidad unico pa atende e campo di entrenamento aki hunto cu top boxdonan di Brasil na Sao Paulo. E tres atletanan cu a ser escogi pa e federacion Arubox pa atende e campo aki ta Aäron Martijn, Jeanomar Hijmering y Aldrick Tromp cu a biaha hunto cu delegado Marco Dupersoy. Ta bon pa bisa cu e tres atletanan ta bin di e scolnan di boxeo Pariba, Leo Boxing y Byerlite.
Mester bisa cu apesar di e tempo frieu, e campo di entrenamento aki a bay super bon. E atletanan a entrena 2 bez pa dia unda a siña masha hopi mes pa loke ta tecnica y strategia di boxeo. Nan a haya e oportunidad di “spar” cu cu atletanan top y eynan ta mas experiencia so nan a gana. Tambe e tres atletanan por a presencia un preparacion di serca di e atletanan hubenil di e seleccion di Brasil cu tabata cla pa e mundial di boxeo.
Na Aruba mes lo bay reorganisa boxeo di tal forma cu lo concentra riba e atletanan cu lo dedica nan mes na e deporte aki. Asina por crea mas atleta cu lo por representa Aruba den futuro sercano den exterior.
Stichting Sportsubsidie Aruba a yuda subsidia e biahe di nos atletanan di boxeo cu a sigui un campo di entrenamento di boxeo na Sao Paulo, Brazil
Lotto, e loteria di Aruba tin diferente wega; Catochi, Big 4, 1-OFF, Zodiac, Wega di Number Korsou di Lotto, Lotto di Dia, Lotto 5, Mini Mega cu su Mega Plus y e weganan di Raspa y Gana. Cumprando Lotto bo ta contribui na deporte riba nos isla. E meta ta pa organisa loteria, cambia bida di su hungadonan y na mes momento inverti den deporte local pa medio di donacionnan na Stichting Sportsubsidie Aruba.