Tres acusado den caso Campo Alegre laga den libertad

WILLEMSTAD.- Diabierna corte a dicta sentencia den e caso conoci como ‘Campo Alegre’ . Ta trata e kaso di tripel asesinato cu a tuma luga riba e diadomingo 24 di juli 2016 banda di 4’or di marduga riba e parkeerplaats di Campo Alegre. Di e cuater sospechosonan cu a presenta den Corte tres a haya libertad compara cu castigo di entre 10 aña di prison pa bida largo cu Ministerio Publico a pidi pa nan. Un sospechoso a haya un castigo y esaki tambe ta un castigo hopi mas abou compara cu loke OM a presenta den su demanda.

Den corte a bin dilanti cu riba e dia 24 di juli di 2016  e hombernan “Appa” Emerencia, “Pulun” Rosa y Leonard a perde nan bida na momento cu nan a keda likida pa 54 bala for di armanan automatico. A base di esey, hues a yega na e siguiente condena pa e acusadonan: Libertat pa L. “Pushi” G. (1983), mientras cu e demanda di fiscal contra Pushi tabata 10 aña prisòn. Pa e acusado G. “Black” G. (1989) corte a dicta un sentencia di 18 luna di prison, mientras cu e demanda di fiscal den su contra tabata 14 aña di prison. Pa e acusadonan J. “Kuchi” G. (1987) y R. “Bomba” C. (1987) hues a dicta libertad, mientras cu fiscal su demanda contra di e dos acusadonan aki tabata castigo di bida largo.

Famia di defuntonan Emerenciana y Leonard a pidi un suma di  2.390 florin cada un como recompensa pa e gastonan di entiero.

Vocero di Ministerio Publico Curacao Norman Serphos den un reaccion preliminar a bisa cu Ministerio Publico ta hopi decepciona y cu for di awo a dicidi caba cu ta apela e decision di corte.

Hues  a yega na e siguiente condena: 

Click ariba e linknan pa e diferente sentencianan.

2018 11 02 strafvonnis G.A.G 2018 11 02 strafvonnis J.A.G 2018 11 02 strafvonnis L.A.G 2018 11 02 strafvonnis R.M.C.

 

Comments

comments