En conexion cu celebracion di “dia di Rey Willem Alexander”, lo bay tin competencianan di trebal y dodgeball na Centro di Bario Brazil.
Ta bay enfrenta otro: e scolnan basico di bario, St. Michael School, Colegio Cristo Rey y Caiquetio school.
Despues ta e damanan, mama, tanchi y suegra ta bay hunga trefball y mas laat anochi diferente team a confirma. Entre otro. Polis, K.I.A, Serlimar, team di Rooi Kochi y Paradera. Otronan no kier bisa nomber di team ainda. Nan ta bin di sorpresa. Kisas nan ta uza e strategia aki pa sali na careda ora e Dodgeball cuminsa pica. Trahadonan di Ambulance tambe ta bin cu nan grupo. E wega aki lo ta cos di wak pasobra ken ta bay yuda nan?
E weganan ta dia 26 di April ta cuminsa 4:00pm cu weganan di trefball pa mucha. Despues pa 7:00pm ta sigui weganan di trefbal pa Dama y pa 8:00pm ta cuminsa cu wega di Dodgeball pa cabayero.
Pa mas informacion por yama C.B.B tel 584-6500 of Chico Harms cell. 5946862.