Diadomingo di Pasco Grandi, Hilton Aruba lo yama bon bini na bishitantenan den e Grand Caribbean Ballroom, unda cu un delicioso brunch lo wordo sirbi hunto cu musica en bibo y un sin fin di champaña y mimosa.
E ekipo culinario ta preparando un buffet extenso na honor di e dia, cual ta inclui desayuno, un stacion interactivo unda chefnan lo ta preparando omelet segun pedido cu un variedad di ingredientenan. E seleccion di cuminda lo inclui sopi di carni y sopi di oester, diferente salada, platonan Mediteraneo, un buffet di cuminda di lama cu shrimp, salada di seafood, calco y hopi mas. Tambe lo sirbi diferente cumindanan cayente manera pisca hasa, galiña riba grill, tenderloin. Tur acompaña cu berdura fresco, tortellini y arroz, pa menciona algun. Ademas lo tin un variedad grandi di cos dushi pa pasa boca, y un sin fin di champaña y mimosa.
Mientras cu mayornan lo disfruta di e exkisito brunch, Hits N Fun hunto cu Rocco lo percura pa e musica en bibo. Specialmente pa e muchanan ta bai tin un buffet di cuminda cu tur nan platonan faborito, diferente wega y e tradicional buscamento di webo den e hardin di Hilton Aruba.
No perde e tremendo evento aki, celebrando Diadomingo di Pasco Grandi cu bo famia y amigonan, na Hilton Aruba Caribbean Hotel & Casino. Prijs pa adulto ta Awg. 95 pa persona. Muchanan te cu 5 aña di edad ta come gratis, mientras cu muchanan entre 6 – 12 aña ta paga Awg. 25 y hobennan entre 13 – 17 aña ta paga Awg.45.
Pa haci bo reservacion, yama Marvinia Richardson na telefon 526 6607 of manda un email pa [email protected]. Si bo reserva prome cu 13 di April, bo ta participa pa gana un weekend stay na e hotel!