WASHINGTON, D.C., Merca- Diahuebs e Oficina di Control di Activonan Stranhero (OFAC) di e Departamento di Tesoro di Merca, a sanciona dies funcionario Venezolano actual of anterior conforme e Orden Ehecutivo 13692, pa considera cu nan ta responsabel pa debilita procesonan electoral, censura di medionan di comunicacion y corupcion den gobierno.
“E designacion aki ta bin despues di e eleccionnan estatal di 15 di October 2017 na Venezuela, cu tabata marca pa un sin fin di iregularidadnan cu ta sugeri cu fraude a yuda e partido den gobierno na gana di manera inespera e mayoria di e gobenracionanan”, segun un nota di e Departamento di Estado.
E funcionarionan sanciona ta: Sandra Oblitas Ruzza, Socorro Elizabeth Hernandez De Hernandez, Carlos Enrique Quintero Cuevas, Elvis Eduardo Hidrobo Amoroso, Julian Isaias Rodriguez Diaz, Ernesto Emilio Villegas Poljak, Jorge Elieser Marquez Monsalve, Manuel Angel Fernandez Melendez, Carlos Alberto Osorio Zambrano y Freddy Alirio Bernal Rosales.
“A pesar di e yamado di un auditoria independiente di e resultadonan electoral, e gobierno Venezolano a bay door cu e huramentacion di e candidatonan ganado dilanti un Asamblea Nacional Constituyente ilegal, cual ta ilustra mas ainda, e naturalesa di e regimen di Maduro.
Ademas, e ambito den cual e eleccionnan a tuma luga, incluyendo e censura, abuso di e medionan estatal ye corupcion desenfrena cu ta extende incluso na e distribucion di alimento na e poblacion hambriento di Venezuela. Esaki ta crea interogantenan riba e libertad y imparcialidad di e proceso electoral imparcialidad di e distribución de alimentos a la población hambrienta de Venezuela- plantea interrogantes sobre la libertad y la equidad del proceso electoral”, e nota ta sigui bisa.
Dor di e sancionnan aki, tur activo di e individuonan suheto na hurisdiccion di Merca lo ta gefreeze y personanan na Merca ta prohibi pa haci negoshi cu nan.
Fuente: http://www.ntn24.com