Travel Team Aruba Rocks cu a participa recientemente na Disney’s New Year Baseball Classic na Orlando ta duna danki na tur esunnan cu a haci e biahe aki posibel. E comision di mayor di e travel team kier a yama danki na Sr. Calvijn Maduro cu a contribui cu hobennan deportista cu ta representa Aruba den exterior hibando e nomber di Aruba riba nivel internacional.
E uniformnan y tambe nos customized AR (Aruba Rocks) caps special pa e Travel Team a keda diseñador di Calvijn cu ta propietario di Aruba Rocks. Tambe nos kier a gradici Sunset Carrental cu a percura pa e jersey preto camuflahe di e travel team. Sin e diferente fundraising y buki di rifa y sosten sea financiero of di productonan e biahe aki no tawata posibel.
Pa cu actividadnan di fundraising nos kier a gradici diferente comerciante manera e.o. ASD, Casa Haime, Romar Trading, Ling & Sons, Bright Bakery y ATA. Tambe un danki na Sr. Milton Croes, Sr. Jachi y Sra. Luchi de Cuba cu semper tawata disponibel pa yuda e Travel Team aki sea cu tips y/of actividad etc. Y nan un y tur cu a yuda e muchanan aki cu e biahe. Na e mayornan cu a kere den e muchanan cu a percura pa nan por a cumpli henter luna di december cu extra training.
Na e coaching staff di Travel Team Aruba Rocks, Jorge Petrocchi, Max Irving y Nestor Petrocchi pa e pasenshi y dedicacion. Na tur e muchanan di e team Aruba Rocks: Ian Tromp, Rocco Petrocchi, Kayden Briezen, Max Irving Jr, Gayquion Croes, Quiran Croes, JahvinBriezen, Milan Petrocchi, Xylon Starke, Javen Maduro y Edrick Kock cu haci nan best y a demostra cu Aruba Rocks unda cu ta!
Y como team ta logra bay cu e di tres luga den e campeonato Internacional na Orlando y gana experiencianan inolvidabel den baseball.