Durante un reunion di Comision Central di Parlamento a trata e retiro di Otmar Oduber como minister. Presidente di Parlamento, Mervin Wyatt-Ras, a splica cu nan a haya un peticion for di Gobernador pa asina por yega tambe na duna pensamento encuanto di e retiro aki cu e ex minister ta pidi. E ora a yama mesora awe merdia un reunion di Comision Central, pa 12’or di merdia y asina tambe a delibera cu diferente fraccion, pa asina yega tambe sostene e retiro caba. Pasobra a pidie y Gobernador ta mande. Ta un procedura normal basa riba articulo 2.2 di nos Constitucion. Asina tambe a cumpli cun’e y ta mandando e ora e contesta pa Gobernador cu e ta OK pa Parlamento cu ta di acuerdo cu e retiro aki.
Tur 21 miembro di parlamento mester a bay di acuero y tabata e peticion. Durante di e reunion, diferente fraccion a trece nan punto di bista, entre otro fraccion di MEP a trece padilanti cu nan ta haya cu nan mester tin mas inzage kico ta e motibonan. Tabata tin un carta cu a wordo manda na Gobernador y desea di haya e carta eynan. Nan ta bisa cu nan a pidi presidente di Parlamento pa e carta aki y nan no a hay’e y awemainta a tuma nota di un peticion di un reunion publico di parti di fraccion di MEP, tocante di e retiro aki di e ex minister y a discuti encuanto di esaki. Fraccion di AVP a sostene den sentido di e retiro. Por bisa cu locual cu e presidente a trece padilanti como contesta, caminda cu e procedura ta un reunion di Comision Central pa manda Gobernador e contesta cu el a pidi. Ora cu bin, si Gobierno yega cu ta bay bin un otro minister na su luga, e ora tin cu bay pasa e ley den Parlamento, e ora en berdad por trata esaki.
Un peticion pa reunion publico, caminda cu tin 30 dia pa yam’e. Tambe e presidente ta dicidi ki ora ta yama reunion si of no. Hopi biaha hende ta lubida esey. Pero tin cu bisa cu tabata tin un discucion al respecto pasobra tabata trece como si fuera cu no lo bay yama un reunion, of a bira su palabra. Sin embargo ta asina cu ora cu yama un reunion, bo tin e tempo pa duna e reunion. Wyatt-Ras a duna prome un bijeenkomst a base di peticion di fraccion di AVP, djey pa reunion publico di criminalidad.
E personanan cu a firma e carta pa pidi reunion publico di fraccion di MEP, no tabata tey y a bisanan esaki, cual na no a gusta. Por ta na ta bay trece diferente cos den prensa. E ta bay cu na momento cu un miembro di fraccion yama un reunion, e presidente tin su caminda pa cana, pa asina por yama un reunion publico.