Tin dokternan cu ora yega edad di pension kier pa su pashentnan pasa pa su yiunan pa cual aki Solange Tchong, vocero di AZV ta splica con e proceso aki ta bay pa e sistema di reparti e pashentnan pa bay cerca dokternan.
Si bay bek den historia di AZV, prome cu el a bin na vigor na 2001, hopi biaha specialistanan, dokternan di cas, of dentista, tabata traha rumbo e pensamento cu algun dia mi yiu lo tuma mi practica over. Desde introduccion di AZV mas y mas nan a bay traha hunto cu otro partidonan, nan loke nan ta yama e manpowerplanning, e planificacion di cuanto specialismo Aruba mester pa e cantidad persona cu tin ta biba aki, dus e poblacion. Pero tambe mas y mas a cuminsa bisa cu ta cuminsa regula e situacion aki.
Por ehempel cu e dokternan di cas a haci e palabracion cu e asociacion, pa loke ta e cantidad di pashent cu nan por tin inscribi e cantidad cu ta responsabel cu nan por carga den nan practica. Un otro grupo cu tambe AZV ta bay wak, ta e dentistanan cu tin un practica hopi grandi, tambe ta canando e proyecto, con pa haci cu esunnan grandi, pa haci’e uno mas miho y responsabel. Pasa un practica pasa over di tata pa su yiu, esey no ta bay asina no mas.
Si sigui estrictamente e maneho di AZV, lo bo mester bisa cu cada dunado di cuidado ta cuminsa di cero, cada un lo mester bay bouw up su practica. E ora no lo tin opcion di loke AZV a haci, pa percura pa for di inicio, ora cu contrata un dunado di cuido, un dokter di cas of dentista, cu toch ya caba e tin un cierto cantidad cu e por lora cun’e. Cu e por tuma su practica over, al contrario AZV ta evalua cierto criteria. Un di esakinan ta e cantidad di pashent e dunado di cuido tin. Tambe den ki bario e ta, si e ta bon dividi. Pa 2018, tin planea pa bin cu mas dokter di cas, pasobra esey ta loke ta haci falta na Aruba, segun Sra. Solange Tchong, vocero di AZV.