Traspaso di Cristiano Ronaldo lo por causa un serie di traspaso di nivel halto

0
RBC Juli 2018
Funmiles-2018

E transferencia di Cristiano Ronaldo pa Juventus por desencadena den un serie di traspaso di futbolistanan di nivel halto entre e clubnan Europeo grandi.
Aunke e seleccion Portugues a sali for di Copa Munida 2018 despues di e octavonan di final, e gran noticia di e futbol di e zomer aki ta relaciona cu e cu e capitan di e seleccion Luso. Cristiano Ronaldo. Esaki ta door cu e transferencia di e astro di Real Madrid pa Juventus di Turin lo por desencadena den un serie di cambionan importante entre e ekiponan grndi di e liganan principal Europeo.
Comienso di un serie di transferencianan na Europa
E hecho di cu e club blanco a laga su figura principal bay ta nifica cu e ta dispuesto na cumpra un otro estelar, manera Neymar of un hungado hoben prometedor manera e Frances, Kylian Mbappé, ambos militando den e París Saint-Germain (PSG). De facto, rumornan riba e posibel traspaso di e futbolista Brazilero pa Real Madrid a cuminsa ya caba na mei di e aña aki.
Di otro banda, e transferencia aña pasa di Neymar for di Barça pa PSG pa un suma record di 222 miyon euro (263 miyon dollar), a marca un record nobo pa intercambionan na nivel di mas halto. Asina ta cu, ken sea e hungado nobo di Real Madrid, su prijs ta bay ta super halto.
Na mes momento, tambe ta posibel cu ora di firma e contract cu Juventus, Ronald lo por pidi e fichahe di otro futbolsitanan cu kende e ta gusta hunga. Ademas, tumando na cuenta cu Juventus a paga mas di 100 miyon euro pa Ronaldo, esaki nifica cu segun reglanan di ‘fair play’ financiero di UEFA, e club di Turin lo mester bende algun di su hungadonan di renombre manera Gonzalo Higuaín, Paulo Dybala o Miralem Pjanić.

Fin di e duelo eterno entre Messi y Ronaldo
Den e ultimo decada, futbol Europeo tabata marca pa e comparacion constante entre e dos estelarnan aki di Real Madrid y F.C. Barcelona, Cristiano Ronaldo y Lionel Messi. For di 2008, solamente e dosnan aki a bin ta gana e Balon di Oro. Al menos dos biaha pa aña, nan ta enfrenta otro riab tereno di wega. For di punto di bista di e publico y medionan, “e bashi cu Cristiano ta laga atras ta enorme”, segun e corant deportivo Spaño, Marca, agregando cu e “ansiedad di wak Ronaldo cu Messi protagonisa duelonan historico ta cos di pasado”.
.
Ronaldo ta acepta un “desafio grandi”
Na opinion di e coach di Wales, Ryan Giggs, e transferencia ta un “desafio grandi” pa e futbolsita. “Bo tin Manchester United, Real Madrid y Juventus den bo currículum… esey ta un super curriculum”, Giggs a declara na television Britanico.
Di otro banda, Giggs ta bisa cu e transferencia por tin di haber cu e astro Argentino. Den su opinion, Ronaldo ta “obsesiona pa ta miho cu Messi”. Segun Giggs, awo Ronaldo por bisa cu “el a hunga na Inglatera, el a hunga na Spaña y awo e lo hunga na Italia y mi a hunga pa Portugal”. Kisas esaki lo ta su argumento ora cu nan puntr’e si Ronaldo ta miho cu Messi”, e Gales a declara.

Comments

comments

C: Heineken
new india