Tendencianan global ta e tema di TRASH Store pa 2017 y p’esey mes e coleccion casual ya caba ta den shop. Un estudio amplio a wordo realisa pa director creativo, Ronchi De Cuba, pa asina presenta aki na Aruba tendencianan di diferente parti di mundo.
E temporada di goso y alegria actual ta presta pa moda casual. E boutique ta presenta un coleccion amplio di jeans, saya di jeans como tambe bistinan y tops di jeans specialmente pa e temporada aki. “Wild West Urban” manera Ronchi ta yama e coleccion ta un colectiva casual di piezanan di moda pa e ser femenino cu mas curva.
E seccion di moda plus size di e store ta yena cu “fashion items” pa mustra “chic” durante e actividadnan casual di temporada. No obstante e piezanan di jeans remarcabel, tambe TRASH Store tin un seleccion admirabel di tops den colornan dominante di 2017. Tononan di blauw manera Indigo y Ice Blue sigur ta notabel. Tambe e tononan “heather grey” ta tuma center stage pa locual ta trata casual wear den e inicio di 2017. E “look” di 1980 pa 1990 sigur ta un tendencia notable e temporada aki. Especialmente e uso di “acid wash” den piezanan di jeans.
“Nos a dicdi di tuma e tema Global Traveler pa 2017. Cu esaki no solamente nos store lo tin un set up tematico pero tambe nos coleccionnan lo representa diferente pasarelanan global. TRASH Store ta continua cu e servicio impecabel y amical cu un cantidad di sorpresanan agradabel den 2017” ta locual Ronchi De Cuba, renombra diseñador di moda, a duna di conoce.
E boutique ta habri di Dialuna pa Diasabra di 10’or di mainta pa 7’or di atardi non-stop y ta situa na Playa na Sibelius Straat # 8. Pa mira mas di e coleccion por bishita e pagina di TRASH BY RONCHI ariba Facebook.