Logicamente e temporada di goso y alegria ta rekeri un estilo mas casual pero si cu caracter. TRASH Store ta contento di por anuncia cu nan departamento di moda pa hende homber ta completamente yen cu mercancia nobo. Un cantidad impresionante di jeans y jeans shorts combina cu T-shirt y body shirts ya caba ta obtenibel na e boutique. “E tononan di shinishi sigur ta un tendencia remarcabel pa e prome lunanan di 2017. Jeans cu tur e tratadonan special pa dun’e un desgaste mas rough tambe ta un highlight di moda pa hende homber.
TRASH Store ta contento di por presenta e ultimo estilonan aki pa Aruba” ta locual director creativo Ronchi De Cuba a duna di conoce. E coleccion berdad ta uno amplio cu ta trece dilanti e ultimo propuestanan di moda pa hende homber.
Pa e prome photo shoot di 2017 TRASH Store a uza e renombra DJ WhiteBoy pa asina ilustra algun di e tantisimo estilonan cu e boutique tin pa ofrece. Piezanan manera e tuinpak of overall di jeans y tambe e hoodie sweater sigur ta domina pasarelanan global.
Tambe e variedad di jeans cu e boutique ta presenta, di estilonan mas clasico te na estilonan super moderno, ta causa gran impacto. Un y tur ta keda invita pa bishita TRASH Store situa na playa na Sibelius Straat # 8. E boutique ta habri di Dialuna pa Diasabra di 10’or di mainta pa 7’or di atardi non-stop.
Pa mira mas di e coleccion di TRASH BY RONCHI por bishita nan pagina ariba Facebook.