TRASH Store recientemente a lansa e coleccion di Fall 2016 pa hende homber. E tendencianan internacional pa locual ta trata moda masculino ya caba ta den shop. Print sigur ta un di e tendencianan mas fuerte actualmente.Pasarelanan global di moda ta presenta estilonan cu estampado pa hende homber. For di prints mas “bold” te na prints mas suave por wordo mira den diferente coleccion internacional. Definitivamente preto y blanco ta tuma center stage y tambe otro tononan manera army green, sky blue, desert y oak ta entre algun di e colornan mas dominante di temporada. E estilo ta varia di clasico te na urban caminda cu cada hende homber por haya nan estilo na TRASH Store. “Nos a renoba nos lineanan di moda pa hende homber. Awor TRASH Store ta presenta estilonan pa tur momento. E hende homber por encontra cerca nos diferente estilo di outfits na prijsnan sumamente rasonabel” ta comentario di director creativo di TRASH esta Ronchi De Cuba. Jeans y short di jeans como tambe joggers ta piesanan di moda esencial cu TRASH Store ta presenta. Pa mira mas di e coleccion di TRASH Store por bishita nan pagina ariba Facebook. KOMA Model Aschwin Rokx ta ilustra algun di e piesanan di e coleccion.