Aki e fashion trendnan mas impactante di temporada
Moda global a presenta diferente propuestanan impresionante pa e ser femenino. Piezanan pa den dia y anochi pa asina e dama luci excepcional durante e temporada mas dushi di aña. E coleccionnan “Holiday” ya a cuminsa yega TRASH BY RONCHI caminda cu un gama di colornan suculento ta tuma center stage. Pensa ariba grape, merlot, hunter, marigold y sky pa por tin un idea di e colornan destacante.
Estampado ta mantene su posicion importante pa temporada. Estampadonan di flor, stripes y tambe estilonan mas abstract ta hunga un rol crucial den locual ta trata tendencianan di moda internacional. “Nos di TRASH Store ta percura pa presenta e estilonan mas destacante na nivel internacional pa nos clientela aki na Aruba. E ideologia tras di nos coleccionnan ta pa por ofrece propuestanan di moda pa tur curpa, gusto y budget” ta locual Ronchi De Cuba, director creativo di TRASH Store, a duna di conoce.
E coleccion berdaderamente ta uno espectacular y cu hopi versatilidad. E ser femenino por selecciona di un variedad grandi y asina logra obtene estilonan cu ta cuadra cu su gusto y personalidad. TRASH Store ta habri di Dialuna pa Diasabra di 10’or di mainta pa 7’or di anochi non-stop. Pa mira mas di e coleccion por bishita nan website www.trashbyronchi.com y por disfruta di delivery gratis pa Aruba.