Recientemente TRASH Store a lansa su coleccion di Fall 2017 caminda e ser femenino cu mas curva (di size XL te cu 3XL) por haya piezanan di moda impresionante pa tur momento den bida. Tendencianan casual te na estilonan di fiesta como tambe pa activididadnan mas oficial ya caba ta forma parti di e coleccion di TRASH Store. Reconoci pa su versatilidad den estilo, pa asina por cumpli cu tur gusto y exigencianan di e hende muhe, TRASH a sa di prepara un coleccion di gran gusto na prijsnan sumamente rasonable. “E ideologia di TRASH ta cu nos ta un boutique cu ta presenta e ultimo tendencianan di moda pa hende muher di tur size, gusto y pa tur budget” ta locual director creativo Ronchi De Cuba a duna di conoce. E boutique actualmente a caba di ricibi e coleccion di Fall 2017 y ta conta cu un cantidad despampanante di estilo y color. For di e tradicional preto y cora te na tononan di “seafoam” y “esmeralda” cu of sin estampado. Sigur por haya algo na gusto cerca TRASH Store situa na Sibelius Straat # 8 na playa. Pa mira mas di e coleccion por bishita nan pagina TRASHBYRONCHI ariba Facebook.