MADRID, Spaña- Investigadonan na Spaña a logra pa e virus bira indetectabel den cinco pashente cu a sobrevivi al menos dos aña despues di e transplante.
Investigadores na Spaña ta logra un avance grandi pa e lucha contra HIV. Cientificonan a detecta factornan cu lo por eradico e virus di e organisamo a trabes di transplante di stemcell.
E investigacion, publica den e revista cientifico Annals of Internal Medicine y realisa pa cientificonan di e Instituto di Investigacion di Aids IrsiCaixa di Barcelona y e hospital Gregorio Marañón di Madrid, a revela cu cinco persona cu HIV cu a ricibi un transplante di stemcell awor e virus di HIV ta indetectabel den nan sanger y tejido, incluso, un di nan ni sikiera tin anticuerpo contra e virus den su sanger
P’aworaki, esaki no ta un prueba di su eradicacion. Manera e co-autora di e articulo, María Salgado, den declaracionnan na Europa Press, “esaki por ta un prueba di cu HIV ya no ta den su sanger, pero esaki wordo confirma solamente door di stop cu e tratamento y comprobando si e virus ta aparece bek of no”.
E clavenan: procedencia di e stemcel, tempo y rechaso di e stemcel di e donante
E investigacion a inclui un total di seis pashent cu a sobrevivi al menos dos aña despues di a ricibi e transplante di stemcel y cu ya no ta hayando niun remedi pa controla e inmunidad pero ta sigui cu e tratamento antiretroviral. Ademas, nan tur a experimenta rechasa pa e stemcel di e donante.
E unico di e seis pashentnan cu a conserva un reservoir di HIV detectabel tabata esun cu a ricibi un transplante di snager via e navelstreng, mientras cu e resto a ricibi transplante di bone marrow (beenmerg).
Cu tur e datonan aki, e investigacion ta indica cu e procedencia di e stemcel, como tambe e tempo cu e reemplaso completo ta tuma di e cel receptor pa e celnan di e donante y e malesa di e transplante contra e huespued lo por ta factornan cu lo por yuda contribui na un potencial desaparicion di HIV.

Comments

comments