Sra. Charise Hoen- Daly, CEO di Empower & Engage Venture Consultancy ta splica mas tocante e Prome Transform Seminar, cu e topico ‘Fear’ (miedo).
Durante e ultimo 5 añanan cu e ta duna les atardi di liderasgo y desaroyo personal, Sra. Hoen a ripara cu hopi hende no ta durf di tuma e step pa haci algo otro den bida, pasobra cu nan tin e miedo. E miedo ta wantanan pa haci locual echt nan ta desea den bida. Y a base di e studiantenan y e hendenan rond a bisa, a dicidi di papia ariba e tema ey, ya cu e ta toca tur hende. Sea tin miedo di pidi aumento, di biaha, di topa un hende pa djis bis’e, mi ta stimabo. Simpelmente e miedo di hende haribo, miedo di berguensa di ken bo ta of di ser ken bo ta. P’ esey a dicidi di haci un seminario, unda ta combersa cu otro y practica diferente manera pa asina domina e miedo ey.
Como tur hende ta deal cu miedo na diferente manera, a dicidi di invita diferente oradornan cu ta traha cu e tema aki. Clement Eugene lo bay papia di Mindfullness, door di pensa y relaha bo mes. E ta e guru di Mindfullness na Aruba, siendo docente na Universidad di Aruba. Tambe tin Roco Hoen cu ta docente na IPA cu a haci su Master den thoughtfullness, unda ta siña con pa domina bo manera di pensa pa asina domina con ta actua ariba dje. Tin dos hoben, Josette Burke y Junior Rivero.
E meta di e compania aki ta pa duna e hobennan chens pa papia di over loke nan a siña den bida cu lo haci diferente ehercicio cu na un manera unico a deal cu e parti di miedo. Por ultimo Bert Wielinga y Sra. Hoen cu ta trahando hunto pa hopi aña, no solamente lo splice kico e ta, pero pa ahci uzo di diferente tactica pa pone den accion, dus pone miedo den accion positiivo. Esey ta un ehercicio cu lo wordo haci cu tur hende.
Tur hende mester bin comfortabel, no bin bisti cu hilchi halto. E manera mas facil pa siña algo ta door di haci ehercicio di dje, y lo cuminsa den prome, duna e info kico e basico ta di miedo, djey lo bay parti den grupo, lo haci diferente ehercicio. Y djey lo bin bek cu Sr. Clemencia cu lo papia over di Mindfullness.
Tin un show di orquidia, cu e participantenan por bay ora cu e seminario caba. E ta bay ta di 9 or y mei te cu 12 or y mey. Lo tin coffee break tussendoor y asina haci uzo di e arte di papia cu otro, pa asina comparti con tur hende ta deal cun’e, pa wak cu bo’n ta bo so. Y asina ta, e ta un seminario mas practico, pa asina di tur edad, ta focus mas ariba edad di 25 aña p’ariba. Pero a base di peticion a busca un lider hoben, pa asina ‘ki e tambe por adresa esun hobennan ya cu tin basta interes di parti di e hobennan.
Pa ticket por yama 594- 6665 of follow Sra. Hoen ariba Facebook of Instagram, of Linkedin, pa informacion di ken Sra. Hoen ta y kico e ta haci, pa asina haya mas informacion di e tema miedo. Ta derecho di tur hende pa ta feliz, y pa ta feliz, no mester tene miedo di ta bo mes.