E sentido fuerte caba di Aruba su hospitalidad na Playa Linda Beach Resort a keda refortica durante di un dia di Teambuilding recien. Miembronan di ekipo na Front Office, Reservations & Membership Accounting, kendenan no ta responsable pa e prome impresion, pero tambe pa e acoplacion suave cu nan propio departamentonan, a ricibi mas training cu colaboracion di D&I Business Support Solutions.
Como e importante prome cara cu bishitante ta topa, e empleadonan esencial aki di front-of-the-house a bin ta tumando cursonan special pa refresca y sostene nan tarea den con pa trata debidamente nan trabounan administrativo, yega na interaccionnan positivo y solucionnan innovativo, tur esey mientras ta mantene un sonrisa semper presente. E entrenamento intensivo aki a bin ta tuma lugar durante e ultimo añanan, y a culmina mas recien den un dia di Teambuilding.
“Mi ta excita den provee nos empleadonan cu diferente tipo di curso y entrenamento di calidad halto,” asina Human Resource Director Sulaika Kelly a comenta. “Nos ta kere den e potencial di nos empleadonan y ta purba na encurasha y sostene nan door di duna nan e instrumentonan debido pa yuda nan ehecuta nan trabou exitosamente.”
Un di e ehercicionan di formacion di ekipo (teambuilding) tabata envolvi e uso di un ekipo completo di interaccion, esta e ‘GoTeam’ app, unda nan tabata tin di biaha na e area di playa y waf pa completa tareanan asigna. Despues den e dia e team a gosa un exkisito lunch di tres plato na Sea Salt Grill Aruba. E atardi a consisti di mas actividadnan bou tema di teambuilding teni na Renaissance Ocean Suites Aruba.
“Ora nos organisa sessionnan di training extensivo pa nos empleadonan, semper nos ta treat nan na un dia yena di elementonan divertido y, na mes momento, laga nan ta un huesped na un otro Resort y experiencia con e ta sinti pa ricibi servicio excepcional. Semper nos ta scohe un localidad cu ta sostene e intencion ey, ” sra. Kelly ta splica. “Cada aña, nos ta haci e inversion den siña y programanan di desaroyo personal, y nos meta ta pa sigui haci esey. Nos ta traha cu entrenadornan tanto local como internacional, y ta personalisa nos approach na diferente empleado y departamento, pa e mihor resultadonan posibel.”
Pa Playa Linda su mas recien Dia di Teambuilding, D&I Business Support Services N.V., basa na Curacao, a ofrece excelente asistencia pa e meta final di fortifica abilidadnan di hospitalidad existente y emfatisa e balor di esfuersonan colaborativo. D&I ta un compania guia door di hoben profesionalnan y ta yuda den crea cultura basa riba balor y creatividad, dirigi riba colaboracion, como tambe pa diseña e sistemanan necesario pa sostene cambio di sistemanan completo.