E entrenamento Militar anual, cu ta carga e nomber “Barracuda Warrior”, e aña aki a tuma luga na Corsou entre 15 – 29 di januari.
E training a trece varios unidad di Region Caribe Hulandes hunto, entre otro e ‘Marine Squadron Carib’ di Aruba, e Destacamento di Marina di Sint Maarten, e Peloton di Boto di Corsou, ‘Compagnie in de West’ y un peloton di Militar di Corsou. Un totalidad di 185 militar a participa na e entrenamento.
Meta di e ehercicio tabata pa reforsa e colaboracion entre e diferente unidadnan, cu normalmente ta staciona riba diferente isla. E actividadnan durante Barracuda Warrior entre otro ta contene, ehercicionan di tiramento, careda amfibio (tanto den dia como marduga), operacion den areanan urbanisa y simulacion di atake planea y no-planea.
E Militarnan di Corsou cu mas frecuencia ta participa n’e entrenamentonan Militar grandi, den cuadro di continuacion di profesionalismo di Militar di Caribe Hulandes. Banda di esey e ehercicio conhunto ta expande e eficacia operacional.
Barracuda Warrior ta keda un ehercicio militar importante pa promove preparacion y cohesion di e forsanan maritimo y terestre den Region Caribe Hulandes. Esaki ta sostene e mision di Defensa den Region Caribe Hulandes: brinda paz y siguridad den region.